Sitara | టాలీవుడ్ స్టార్ కపుల్ విజయ్ దేవరకొండ – రష్మిక మందన్న వెడ్డింగ్ రిసెప్షన్ హైదరాబాద్లో అత్యంత ఘనంగా జరిగింది. సినీ పరిశ్రమకు చెందిన ప్రముఖులు, స్నేహితులు, కుటుంబ సభ్యులు పెద్ద ఎత్తున హాజరై కొత్త జంటకు శుభాకాంక్షలు తెలియజేశారు. ఈ వేడుకలో మెరిసిన ప్రముఖుల్లో టాలీవుడ్ సూపర్ స్టార్ మహేష్ బాబు సతీమణి నమ్రతా శిరోద్కర్, వారి కూతురు సితార ఘట్టమనేని ప్రత్యేక ఆకర్షణగా నిలిచారు. రిసెప్షన్కు నమ్రత, సితార కలిసి విచ్చేయడం అక్కడి వాతావరణాన్ని మరింత స్పెషల్గా మార్చింది. ముఖ్యంగా సితార ఎంట్రీ ఇవ్వగానే అక్కడ ఉన్న కెమెరాలన్నీ ఆమె వైపే తిరిగాయి. పింక్ కలర్ లెహంగాలో, సింపుల్ మేకప్తో, కర్లీ హెయిర్ స్టైల్లో సితార ఎంతో క్యూట్గా, చూడముచ్చటగా కనిపించింది. చిన్న వయసులోనే తన అందం, ఆత్మవిశ్వాసంతో స్టార్ సెలబ్రిటీలా మెరిసింది.
సోషల్ మీడియాలో ఎప్పుడూ యాక్టివ్గా ఉండే సితారకు ఇప్పటికే భారీ ఫాలోయింగ్ ఉంది. ఈ రిసెప్షన్లో ఆమె క్యూట్ స్మైల్, సింపుల్ నేచర్ అందరినీ ఆకట్టుకుంది. ఫోటోగ్రాఫర్లు కూడా ఆమె కాండిడ్ మూమెంట్స్ను ప్రత్యేకంగా క్యాప్చర్ చేశారు. నెట్టింట వైరల్ అవుతున్న ఫోటోలలో నమ్రత, సితార… విజయ్, రష్మికలతో కలిసి సరదాగా ముచ్చటిస్తున్న దృశ్యాలు అభిమానులను ఆకట్టుకుంటున్నాయి. అదే సమయంలో విజయ్ తమ్ముడు ఆనంద్ దేవరకొండతో పాటు వారి కుటుంబ సభ్యులు కూడా ఈ వేడుకలో సందడి చేశారు. విజయ్ తల్లి కూడా కొత్త జంటతో కలిసి ఫోటోలు దిగిన దృశ్యాలు సోషల్ మీడియాలో చక్కర్లు కొడుతున్నాయి. కుటుంబ సభ్యుల మధ్య ఆత్మీయత, ఆనందం ఈ కాండిడ్ పిక్చర్స్లో స్పష్టంగా కనిపిస్తోంది.
ఇంత చిన్న వయసులోనే సితార ఫంక్షన్లలో సెంటర్ ఆఫ్ అట్రాక్షన్గా మారుతుండటంపై మహేష్ అభిమానులు ఆనందం వ్యక్తం చేస్తున్నారు. “భవిష్యత్తులో హీరోయిన్గా ఎంట్రీ ఇస్తుందా?” అంటూ నెట్టింట కామెంట్లు చేస్తున్నారు. మొత్తానికి విజయ్–రష్మిక వెడ్డింగ్ రిసెప్షన్ కేవలం ఒక వేడుకగానే కాకుండా, సెలబ్రిటీ సందడితో హైలైట్ అయిన గ్రాండ్ ఈవెంట్గా నిలిచింది.
Sitara | విజయ్–రష్మిక వెడ్డింగ్ రిసెప్షన్లో మెరిసిన సితార… సెంటర్ ఆఫ్ అట్రాక్షన్గా నిలిచిన మహేష్ కూతురు
