Comedian Satya | టాలీవుడ్లో తనదైన కామెడీ టైమింగ్తో ప్రత్యేక గుర్తింపు తెచ్చుకున్న సత్య ఇప్పుడు హీరోగా ప్రేక్షకులను అలరించేందుకు సిద్ధమవుతున్నారు. ప్రస్తుతం మోస్ట్ డిమాండబుల్ కమెడియన్గా కొనసాగుతున్న ఆయన, ‘జెట్లీ’ అనే చిత్రంతో కథానాయకుడిగా మరోసారి తన అదృష్టాన్ని పరీక్షించుకోనున్నారు. ఇప్పటికే వివాహ భోజనంబు సినిమాతో హీరోగా తన సత్తా చాటిన సత్య, ఈసారి మరింత వినోదం, థ్రిల్ మిక్స్తో ‘జెట్లీ’గా రాబోతున్నారు. ఈ చిత్రాన్ని రిథేష్ రానా దర్శకత్వంలో తెరకెక్కిస్తున్నారు. ‘మత్తు వదలరా’ సినిమాతో సక్సెస్ఫుల్ కాంబినేషన్గా నిలిచిన వీరిద్దరూ మళ్లీ చేతులు కలపడంతో ఈ సినిమాపై మంచి అంచనాలు ఏర్పడ్డాయి.ప్రమోషన్స్లో భాగంగా తాజాగా ‘సత్య ఈజ్ నాట్ జెట్లీ’ అనే పాటను విడుదల చేశారు. ఈ పాటలో సత్య తన డ్యాన్సింగ్ స్కిల్స్తో అందర్నీ ఆశ్చర్యపరిచారు.
ఇన్నాళ్లు కామెడీతో నవ్వించిన ఆయన, ఇప్పుడు గ్రేస్ఫుల్ డ్యాన్స్ మూమెంట్స్తో కొత్త కోణాన్ని చూపించారు. తాను కేవలం కమెడియన్ మాత్రమే కాదు, మంచి డాన్సర్ కూడా అని నిరూపించారు.ఈ పాటను కాల భైరవ స్వరపరచగా, సాయి సోమయాజులు చమత్కారమైన సాహిత్యం అందించారు. శ్రావణ భార్గవి ఎనర్జిటిక్ వాయిస్తో పాటకు మరింత హైలైట్ తీసుకొచ్చారు. సత్య అన్ప్రెడిక్టబుల్ పర్సనాలిటీని ప్రతిబింబించేలా ఈ పాట లిరిక్స్ ప్రత్యేకంగా నిలిచాయి. ఈ సినిమాలో మిస్ యూనివర్స్ ఇండియా టైటిల్ విన్నర్ రియా సింఘా హీరోయిన్గా టాలీవుడ్కు పరిచయం అవుతున్నారు. సత్యతో కలిసి ఆమె చేసిన డ్యాన్స్ మూమెంట్స్, గ్లామర్ ఈ పాటలో ప్రత్యేక ఆకర్షణగా నిలిచాయి. కొరియోగ్రాఫర్ విజయ్ పోలాకి కంపోజ్ చేసిన స్టెప్పులు ప్రేక్షకులను ఆకట్టుకుంటున్నాయి.
ఇక ఈ సినిమాలో వెన్నెల కిషోర్, అజయ్ కీలక పాత్రలు పోషిస్తున్నారు. మైత్రి మూవీ మేకర్స్ సమర్పణలో క్లాప్ ఎంటర్టైన్మెంట్ బ్యానర్పై ఈ చిత్రాన్ని నిర్మిస్తున్నారు. నిర్మాతలు చిరంజీవి (చెర్రీ), హేమలత పెద్దామల్లు భారీ స్థాయిలో ఈ ప్రాజెక్ట్ను తెరకెక్కిస్తున్నారు. ఇప్పటికే విడుదలైన ఫస్ట్ లుక్ పోస్టర్లు, గ్లింప్స్ , ఈ తాజా సాంగ్ సినిమాపై అంచనాలను మరింత పెంచాయి. కామెడీతో పాటు థ్రిల్లింగ్ ఎలిమెంట్స్ కలగలిపిన ఎంటర్టైనర్గా ‘జెట్లీ’ ప్రేక్షకుల ముందుకు రానుందని మేకర్స్ హింట్ ఇస్తున్నారు. త్వరలో ఈ సినిమా విడుదల తేదీని ప్రకటించనున్నట్లు సమాచారం.మొత్తం మీద, సత్య హీరోగా మరోసారి తనను తాను నిరూపించుకునే కీలక ప్రాజెక్ట్గా ‘జెట్లీ’ నిలవనుందని సినీ వర్గాలు అభిప్రాయపడుతున్నాయి.
Comedian Satya | కమెడియన్ నుంచి హీరోగా సత్య కొత్త అవతారం .. డ్యాన్స్తో ఇరగ్గొట్టేసాడుగా..!
