Manchu Lakshmi | టాలీవుడ్ ప్రముఖ నటి, నిర్మాత మంచు లక్ష్మీ కుమార్తె విద్యా నిర్వాణ ఓణీల వేడుక ఘనంగా జరిగింది. కలెక్షన్ కింగ్ మోహన్ బాబు మనవరాలైన విద్యా నిర్వాణకు సంబంధించిన ఈ సంప్రదాయ కార్యక్రమం కుటుంబ సభ్యులు, సన్నిహితులు, స్నేహితుల సమక్షంలో అట్టహాసంగా జరిగింది. ప్రస్తుతం ఈ వేడుకకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి. తెలుగు సంప్రదాయంలో అమ్మాయిలకు ఎంతో ప్రాముఖ్యంగా జరుపుకునే ఓణీల వేడుకను మంచు కుటుంబం ఎంతో ఆత్మీయంగా నిర్వహించినట్లు తెలుస్తోంది. ఈ కార్యక్రమానికి కేవలం కుటుంబ సభ్యులు, బంధుమిత్రులు, అత్యంత సన్నిహితులు మాత్రమే హాజరైనట్లు సమాచారం.
మంచు ఫ్యామిలీ అధికారికంగా ఈ వేడుక గురించి ప్రకటించకపోయినా, తాజాగా బయటకు వచ్చిన కొన్ని ఫొటోలు మరియు వీడియోలు సోషల్ మీడియాలో చక్కర్లు కొడుతున్నాయి. వాటిలో విద్యా నిర్వాణ సంప్రదాయ దుస్తుల్లో ఎంతో అందంగా కనిపించడం అభిమానులను ఆకట్టుకుంటోంది. ఈ వేడుకకు సంబంధించిన ఫొటోలు, వీడియోలు చూసిన నెటిజన్లు విద్యా నిర్వాణపై ప్రశంసలు కురిపిస్తున్నారు. చిన్నప్పటి నుంచే సోషల్ మీడియాలో అప్పుడప్పుడు కనిపించే ఆమె ఇప్పుడు మరింత క్యూట్గా, అందంగా కనిపిస్తోందని కామెంట్లు చేస్తున్నారు. మంచు కుటుంబానికి సంబంధించిన ప్రతి కార్యక్రమం సోషల్ మీడియాలో వైరల్ అవుతుండగా, ఈ ఓణీల వేడుక కూడా అభిమానుల దృష్టిని ఆకర్షించింది.
ఇదిలా ఉంటే, గతంతో పోలిస్తే మంచు లక్ష్మి ప్రస్తుతం సినిమాల్లో పెద్దగా కనిపించడం లేదు. అలాగే టెలివిజన్ షోలలో కూడా ఆమె తక్కువగా కనిపిస్తున్నారు. ప్రస్తుతం ఎక్కువగా ముంబైలోనే ఉంటున్న ఆమె, అప్పుడప్పుడు మాత్రమే హైదరాబాద్కు వస్తున్నట్లు తెలుస్తోంది. గత ఏడాది మహిళా ప్రధాన పాత్రలో తెరకెక్కిన “దక్ష” సినిమాలో కనిపించిన మంచు లక్ష్మి, ఈ ఏడాది “బూకీ” అనే తమిళ్–తెలుగు ద్విభాషా చిత్రంలో కీలక పాత్రలో నటిస్తున్నట్లు సమాచారం.
Manchu Lakshmi | ఘనంగా మంచు లక్ష్మి కుమార్తె విద్యా నిర్వాణ ఓణీల వేడుక .. సోషల్ మీడియాలో వైరల్ అవుతున్న ఫొటోలు
