Ram Charan |మెగాస్టార్ చిరంజీవి హీరోగా నటించిన లేటెస్ట్ చిత్రం ‘మన శంకర వరప్రసాద్ గారు’ (Mana Shankara Vara Prasad Garu) జనవరి 12న ప్రపంచవ్యాప్తంగా గ్రాండ్గా విడుదలై ప్రేక్షకుల నుంచి మంచి స్పందనను అందుకుంటోంది. విజయవంతమైన దర్శకుడు అనిల్ రావిపూడి తెరకెక్కించిన ఈ సినిమా, విడుదలైన మొదటి షో నుంచే అన్ని వర్గాల ప్రేక్షకుల నుంచి పాజిటివ్ టాక్ను సొంతం చేసుకుంది. ముఖ్యంగా కుటుంబ ప్రేక్షకులను ఆకట్టుకునేలా రూపొందిన ఈ చిత్రం సంక్రాంతి పండుగ వాతావరణానికి చక్కగా సరిపోతోందని సినీ విశ్లేషకులు అంటున్నారు. ఈ సినిమాలో చిరంజీవి చూపించిన ఎనర్జిటిక్ పెర్ఫార్మెన్స్ ప్రత్యేక ఆకర్షణగా నిలుస్తోంది.
చిరు కామెడీ టైమింగ్, ఎమోషనల్ సన్నివేశాల్లో నటన ప్రేక్షకులను బాగా మెప్పిస్తోంది. చాలా కాలం తర్వాత మెగాస్టార్ను వింటేజ్ స్టైల్లో చూసిన ఆనందం ఫ్యాన్స్లో స్పష్టంగా కనిపిస్తోంది. చిరంజీవి గతంలోని హిట్ సినిమాలను గుర్తు చేసేలా ఆయన స్క్రీన్ ప్రెజెన్స్ ఉండటంతో థియేటర్లలో విజిల్స్, క్లాప్స్ మారుమోగుతున్నాయి. ఇదిలా ఉండగా, తాజాగా మెగా పవర్ స్టార్ రామ్ చరణ్ తన తండ్రి చిరంజీవి నటించిన ఈ సినిమాను హైదరాబాద్లోని ఏఎంబీ మాల్లో వీక్షించారు. సినిమా మొత్తాన్ని ఎంతో ఆసక్తిగా ఆస్వాదించిన రామ్ చరణ్, ముఖ్యంగా చిరంజీవి పెర్ఫార్మెన్స్పై చాలా సంతోషం వ్యక్తం చేసినట్లు సమాచారం. తండ్రి పాత్ర, డైలాగ్ డెలివరీ, స్క్రీన్ ఎనర్జీని రామ్ చరణ్ ప్రత్యేకంగా ప్రశంసించినట్టు ఇండస్ట్రీ వర్గాలు చెబుతున్నాయి. మెగా ఫ్యాన్స్కు ఇది మరింత ఆనందాన్ని కలిగించే విషయం.
ఈ చిత్రంలో విక్టరీ వెంకటేష్ పవర్ఫుల్ క్యామియోలో కనిపించడం మరో హైలైట్గా నిలిచింది. ఆయన స్క్రీన్పై కనిపించిన ప్రతిసారి ప్రేక్షకుల నుంచి భారీ రెస్పాన్స్ వస్తోంది. అలాగే లేడీ సూపర్ స్టార్ నయనతార హీరోయిన్గా నటిస్తూ తన గ్లామర్తో పాటు ఎమోషనల్ యాక్టింగ్తో సినిమాకు బలమైన ఆధారం ఇచ్చింది.భీమ్స్ సిసిరోలియో సంగీతం అందించిన ఈ సినిమాలో పాటలు, బ్యాక్గ్రౌండ్ స్కోర్ కథకు బాగా సరిపోయాయి. ఇప్పటికే పాటలకు మంచి ఆదరణ లభిస్తుండగా, థియేటర్లలో కూడా బ్యాక్గ్రౌండ్ మ్యూజిక్ ప్రేక్షకులను ఎంగేజ్ చేస్తోంది. కేథరిన్ తెరెసా, రేవంత్, హర్షవర్ధన్, సచిన్ ఖేడేకర్, అభినవ్ గోమటం తదితరులు కీలక పాత్రల్లో నటించి తమ పాత్రలకు న్యాయం చేశారు.
Ram Charan | ‘మన శంకర వరప్రసాద్ గారు’కు సూపర్ రెస్పాన్స్ ..చిరంజీవి వింటేజ్ ఎనర్జీకి రామ్ చరణ్ ఫిదా
