Ranabali | టాలీవుడ్ స్టార్ హీరో విజయ్ దేవరకొండ, నేషనల్ క్రష్ రష్మిక మంధాన మూడోసారి జంటగా నటిస్తున్న చిత్రం రణబాలి.రాహుల్ సంకృత్యన్ దర్శకత్వంలో తెరకెక్కుతున్న ఈ సినిమాపై ప్రారంభం నుంచే భారీ అంచనాలు ఉన్నాయి. మైత్రీ మూవీ మేకర్స్ భారీ బడ్జెట్తో నిర్మిస్తున్న ఈ చిత్రం సెప్టెంబర్ 11న ప్రపంచవ్యాప్తంగా విడుదల కానుంది. ఇటీవల విడుదలైన విజయ్–రష్మిక పెళ్లి ఫోటో, “ఏందయ్యా సామీ” పాటకు వచ్చిన స్పందనతో సినిమాపై హైప్ మరింత పెరిగింది. ఈ క్రమంలో సోషల్ మీడియాలో ‘రణబాలి’ కథ ఇదేనంటూ ఓ కథనం కూడా వైరల్ అవుతోంది.వైరల్ అవుతున్న కథ ప్రకారం, ‘రణబాలి’ 1876 ప్రాంతంలో బ్రిటిష్ పాలనలో ఉన్న రాయలసీమ నేపథ్యంలో సాగుతుంది.
కరువు కారణంగా ప్రజలు తీవ్ర ఇబ్బందులు పడుతున్న సమయంలో, బ్రిటిష్ అధికారి ప్రజలను మరింత దెబ్బతీసే విధంగా ఆర్టిఫిషియల్ ఫామైన్ సృష్టిస్తాడు. ధాన్యాన్ని గిడ్డంగుల్లో నిల్వచేసి ప్రజలను ఆకలితో వేదించే ఈ క్రూర యత్నం కథకు ప్రధాన నేపథ్యంగా నిలుస్తుంది.ఈ పరిస్థితుల్లో రంగంలోకి దిగే హీరో రణబాలి. ఒకప్పుడు చిన్న సంస్థానానికి వారసుడైన అతను, ప్రజల కోసం పోరాడే యోధుడిగా మారతాడు. బ్రిటిష్ అధికారులకు అతను ప్రమాదకరుడిగా కనిపించినా, ప్రజల దృష్టిలో మాత్రం ఆశగా నిలుస్తాడు. ఇక హీరోయిన్ జయమ్మ పాత్రలో రష్మిక కనిపించనుంది. కరువు తన కుటుంబాన్ని దెబ్బతీసినా ధైర్యంగా నిలిచే జయమ్మ, రణబాలి పోరాటానికి భావోద్వేగ బలం అవుతుంది. వీరిద్దరి మధ్య ప్రేమ సహజంగా, గ్రామీణ నేపథ్యంతో ముడిపడి ఉంటుంది.
కథలో రణబాలి గెరిల్లా యుద్ధంతో బ్రిటిష్ గిడ్డంగులపై దాడులు చేస్తూ, ప్రజలకు ఆహారం పంచడం, దేశ సంపదను విదేశాలకు తరలించే ప్రయత్నాలను అడ్డుకోవడం వంటి అంశాలు ఉంటాయని తెలుస్తోంది. అలాగే ఆ సంపదతో ప్రజలకు సహాయం చేస్తూ ఆశ నింపే పాత్రగా అతను నిలుస్తాడు.ఈ పోరాటాన్ని అణిచివేయడానికి బ్రిటిష్ అధికారి రణబాలి తలను తీసుకొచ్చిన వారికి భారీ బహుమతి ప్రకటిస్తాడు. అక్కడినుంచి కథ మరింత ఉత్కంఠభరితంగా మారుతుంది. చివరికి బ్రిటిష్ రికార్డుల ప్రకారం రణబాలి మరణించినట్లు చూపించినా, ప్రజల మనసుల్లో అతను చిరస్థాయిగా నిలిచే నాయకుడిగా మిగిలిపోతాడనే ట్విస్ట్ కథలో ఉంటుందని ప్రచారం జరుగుతోంది. అయితే తాజాగా రణబాలి షూటింగ్ లొకేషన్ నుండి విజయ్ దేవరకొండకి సంబంధించిన వీడియో ఒకటి లీక్ అయింది. ఇందులో విజయ్ చేతిలో కత్తి పట్టుకొని గుర్రంపై ఇళ్లలోకి వచ్చి.. ఒరేయ్ ముండమోపి నా కొడకా…ఏడున్నావ్ రా.. మీ ఇళ్లలోకి వచ్చా.. రా అవ్వా చంపుదువ్ కాని .. అనే డైలాగ్ చెబుతాడు. చూస్తుంటే విజయ్ ఈ సినిమాతో మంచి హిట్ కొట్టేలా ఉన్నాడని అంటున్నారు.
Ranabali | రణబాలి షూటింగ్ వీడియో లీక్.. విజయ్ పవర్ ఫుల్ డైలాగ్కి ఫ్యాన్స్ ఫిదా
