Vijay-Rashmika | టాలీవుడ్లో మోస్ట్ లవబుల్ కపుల్ విజయ్ దేవరకొండ-రష్మిక మందాన పెళ్లి వేడుకలకు రంగం సిద్ధమైంది. ఫిబ్రవరి 26న రాజస్థాన్లోని అందమైన నగరం ఉదయ్పూర్లోని ఓ అద్భుతమైన ప్యాలెస్లో వీరి వివాహం సన్నిహిత కుటుంబ సభ్యులు, అత్యంత ఆత్మీయుల సమక్షంలో జరగనుందని సమాచారం. అనంతరం మార్చి 4న హైదరాబాద్లోని ఓ ప్రైవేట్ స్టార్ హోటల్లో భారీ రిసెప్షన్ నిర్వహించనున్నారు. ఇప్పటికే విజయ్ నివాసం వద్ద లైటింగ్ డెకరేషన్లు ఏర్పాటు చేశారు. పెళ్లి కార్డులు కూడా ఎంపిక చేసిన అతిథులకు పంపిణీ చేస్తున్నారు. అయితే ఈ పెళ్లి ఆహ్వాన పత్రిక ప్రత్యేకతే ఇప్పుడు సోషల్ మీడియాలో హాట్ టాపిక్గా మారింది.
సాధారణ కార్డు మాదిరిగా కాకుండా, ప్రత్యేకంగా డిజైన్ చేసిన ఒక లగ్జరీ బాక్స్లో ఆహ్వాన పత్రికను అందిస్తున్నారు. ఈ బాక్స్లో పెళ్లి కార్డుతో పాటు అతిథులకు సర్ప్రైజ్ గిఫ్ట్స్ కూడా ఏర్పాటు చేశారు. ఈ వెడ్డింగ్ కార్డ్ బాక్స్లో ఉన్న అంశాలు మరింత ఆసక్తికరంగా మారాయి. రష్మిక ప్రారంభించనున్న పెర్ఫ్యూమ్ బ్రాండ్కు చెందిన “నేషనల్ క్రష్” పేరుతో ఒక మినీ పెర్ఫ్యూమ్ బాటిల్ను అందిస్తున్నారు. అదనంగా చేతులు, కాళ్లకు ఉపయోగించే ఒక ఆయుర్వేదిక్ క్రీమ్ను కూడా చేర్చారు. విజయ్కు చెందిన ప్రసిద్ధ ‘రౌడీ’ బ్రాండ్ టీ-షర్ట్ను బాక్స్లో ప్రత్యేకంగా ఉంచారు. అంతేకాకుండా జీడిపప్పు ప్యాకెట్, ఒక స్వీట్ బాక్స్ను కూడా అందిస్తున్నారు. ఈ ప్రత్యేక వెడ్డింగ్ కార్డ్ బాక్స్ ఇప్పటికే సోషల్ మీడియాలో వైరల్గా మారి అభిమానుల దృష్టిని ఆకర్షిస్తోంది.
ఈ లగ్జరీ బాక్స్కే చాలా ఖర్చు అయ్యి ఉంటుందని సినీ వర్గాలు చెబుతున్నాయి. ఇక ఉదయపూర్లో జరగనున్న పెళ్లి వేడుకలు రాజసంగా, సంప్రదాయబద్ధంగా నిర్వహించనున్నట్టు సమాచారం. హైదరాబాద్ రిసెప్షన్కు టాలీవుడ్తో పాటు బాలీవుడ్ ప్రముఖులు, రాజకీయ నాయకులు కూడా హాజరుకానున్నారని తెలుస్తోంది. మొత్తం మీద ఈ సెలబ్రిటీ వెడ్డింగ్ ఎలా ఉండబోతుందో అన్న ఆసక్తి అభిమానుల్లో రోజురోజుకు పెరుగుతోంది.
Preparations have started. Those days are getting closer when wedding songs will be playing on loop in our heads. Suggest some more wedding songs.
Taiyaari to humko bhi karni hai #RashmikaMandanna #VijayDeverakonda pic.twitter.com/K7j8iPe6J7
— Rashmika Delhi Fans (@Rashmikadelhifc) February 18, 2026