Whatsapp Block | ఈ రోజుల్లో అన్నిటికీ ముందుండేది వాట్సాపే! సీరియస్ విషయాలు, సరదా కబుర్లు.. అన్నీ ఇక్కడే సాగిపోతుంటాయి. అయితే, వాట్సాప్లో మీ నుంచి ఎవరైనా డిస్కనెక్ట్ అయినట్టుగా అనిపిస్తున్నదా? తెలిసినమనిషి ఎదురుపడి పలకరించకపోయినా ఫీలవ్వని ఈ తరం.. వాట్సాప్లో రెస్పాండ్కాకపోతే తెగ ఇదైపోతున్నారు. ‘నన్ను బ్లాక్ చేశారేమో?’ అని సందేహిస్తున్నారు. అనుమానంతో మీలో మీరు కుమిలి పోవద్దు. బ్లాక్ చేశారని కన్ఫర్మ్ చేసుకోకముందే బ్లాస్ట్ అయిపోకండి. ఎదుటివ్యక్తి మిమ్మల్ని బ్లాక్ చేశారని వాట్సాప్ చెప్పదు కానీ, కొన్ని క్లూస్తో సంగతి కనిపెట్టేయొచ్చు.
లాస్ట్సీన్ గాయబ్
క్లూ: ఉన్నట్టుండి ‘Last Seen’ గాయబైందా.. వారి మనసుకెక్కడో గాయమైందని లెక్క. అందుకే మిమ్మల్ని బ్లాక్ చేసి ఉంటారు. అదే సమయంలో బ్లాక్ చేసిన వ్యక్తి ‘Online’ స్టేటస్ను ఎప్పటికీ చూడలేరు. అది ఎప్పుడూ బ్లాంక్గానే ఉంటుంది. మీరు ఎన్నిసార్లు చూసినా అది కనిపించకపోతే.. మిమ్మల్ని బ్లాక్ చేశారని అనుమానించొచ్చు.
గుర్తుంచుకోండి: చాలామంది ప్రైవసీ కోసం దాన్ని ‘Last Seen’, ‘Online’ హైడ్ చేయొచ్చు. అంతమాత్రానికే మిమ్మల్ని బ్లాక్ చేశారని నిర్ణయానికి రావొద్దు.’హ్్ైడ చేస్తారు. కాబట్టి, ఇది జస్ట్ ఫస్ట్ హింట్ మాత్రమే!
కాల్ కనెక్ట్ అవ్వదు
క్లూ: మీరు వాట్సాప్ కాల్ చేస్తే, అది రింగ్ అవ్వకుండా కేవలం ‘Calling’ అని మాత్రమే చూపిస్తుంది.
గుర్తుంచుకోండి: నెట్ సరిగా లేకపోయినా ఇలా జరగవచ్చు. కానీ వాళ్లు ఆన్లైన్లో ఉన్నా కాల్ కనెక్ట్ అవ్వలేదంటే.. బ్లాక్ చేసినట్టే!
ప్రొఫైల్ పిక్చర్ మాయం
క్లూ: మీరు వాళ్ల DP(Display Picture) చూడలేరు. యాష్ కలర్ ప్లెయిన్ చిత్తరువు దర్శనమిస్తుంది. వాళ్లు ఫొటో అప్డేట్ చేసినా మీకు అస్సలు కనిపించదు. ప్రొఫైల్ ఫొటో హఠాత్తుగా మాయమైతే.. మిమ్మల్ని బ్లాక్ చేశారన్నదానికి స్ట్రాంగ్ హింట్గా భావించవచ్చు.
గుర్తుంచుకోండి: ప్రైవసీ సెట్టింగ్స్లో ప్రొఫైల్ పిక్ను ఎవరూ చూడకూడదు అనుకుని కొందరు… ‘Nobody’ ఆప్షన్ను ఎంచుకుంటారు. కానీ, రోజూ కనిపించే చిత్తరువు హఠాత్తుగా మాయమైతే అనుమానించొచ్చు.
సింగిల్ టిక్ ఓన్లీ
క్లూ: మీరు మెసేజ్ పంపినప్పుడు, డెలివరీ అయినట్లు చెప్పే రెండో గ్రే టిక్ ఎప్పటికీ రాదు. ఒకే ఒక్క టిక్ మార్క్ అలాగే ఉంటుంది. సాధారణంగా.. ఒక టిక్ (సందేశం పంపారు), రెండు గ్రే టిక్లు (డెలివరీ అయ్యింది), రెండు బ్లూ టిక్లు (చదివారు) అని అర్థం.
గుర్తుంచుకోండి: మీరు బ్లాక్ అయితే, మీ మెసేజ్ వాళ్ల ఫోన్కు చేరదు. రెండో టిక్ (డెలివరీ అయినట్లు)ఎప్పుడూ కనిపించదు. అవతలి వ్యక్తి ఆన్లైన్లో లేకపోయినా.. ఒకే టిక్ వస్తుంది. రోజుల తరబడి సింగిల్ టిక్ ఉంటే బ్లాక్ చేశారని భావించాలి.
గ్రూప్లో యాడ్ చేయలేం
ఫైనల్ టెస్ట్: మిమ్మల్ని ఒక వ్యక్తి బ్లాక్ చేశారని కచ్చితంగా తెలుసుకునే ట్రిక్ ఇది. ఆ వ్యక్తి నంబర్ను ఏదైనా కొత్త గ్రూప్లో యాడ్ చేయడానికి ప్రయత్నించండి. అప్పుడు ఏం జరుగుతుందో చూడండి!
ఫలితం: ‘మీకు ఈ కాంటాక్ట్ను గ్రూప్లో యాడ్ చేసే పర్మిషన్ లేదు’ అనే మెసేజ్ వస్తే, పక్కా! వాళ్లు మిమ్మల్ని బ్లాక్ చేశారని ఫిక్సవ్వండి.
కూల్ బ్రో..
పర్సనల్గా తీసుకోవద్దు: బ్లాకింగ్ అనేది వాళ్ల ప్రైవసీ చాయిస్. మీరు దానికి వ్యక్తిగతంగా ఫీల్ అవ్వద్దు.
స్పేస్ ఇవ్వండి: వాళ్లు స్పేస్ కోరుకుంటున్నారు. దాన్ని గౌరవించండి.
మాట్లాడాలనుకుంటే: నిజంగా మాట్లాడాల్సి వస్తే, SMS లేదా ఇ-మెయిల్ లాంటి వేరే పద్ధతి వాడండి.
Whatsapp Block | వాట్సాప్లో మిమ్మల్ని ఎవరైనా బ్లాక్ చేశారా.. ఇలా ఈజీగా కనిపెట్టేయండి
