RC 17| దర్శకుడు సుకుమార్, గ్లోబల్ స్టార్ రామ్ చరణ్ కాంబినేషన్లో తెరకెక్కనున్న భారీ ప్రాజెక్ట్ ఆర్సీ17పై ఆసక్తికరమైన అప్డేట్ ఫిలింనగర్ వర్గాల్లో వైరల్ అవుతోంది. ఈ ప్రతిష్ఠాత్మక చిత్రంలో హీరోయిన్గా బాలీవుడ్ స్టార్ హీరోయిన్ కృతి సనన్ను ఎంపిక చేసినట్లు గుసగుసలు వినిపిస్తున్నాయి. అధికారిక ప్రకటన రాకపోయినా, ఈ వార్త అభిమానుల్లో భారీ అంచనాలను పెంచుతోంది. కృతి సనన్ తెలుగు ప్రేక్షకులకు కొత్త కాదు. ఆమె టాలీవుడ్ ఎంట్రీ సుకుమార్ దర్శకత్వంలో వచ్చిన వన్ నేనొక్కడినే చిత్రంతో జరిగింది. ఈ సినిమాలో మహేష్ బాబు సరసన నటించి వెండితెరకు పరిచయమయ్యారు. ఆ తర్వాత దోచేయ్లో నాగచైతన్యతో కలిసి కనిపించారు. అయితే ఈ రెండు చిత్రాలు బాక్సాఫీస్ వద్ద ఆశించిన విజయాన్ని అందుకోలేకపోయాయి. దీంతో కృతి బాలీవుడ్కు మకాం మార్చి అక్కడ వరుస అవకాశాలతో స్టార్ హీరోయిన్గా ఎదిగారు.
హిందీ చిత్రసీమలో కృతి సనన్ వరుస హిట్లతో మంచి గుర్తింపు తెచ్చుకున్నారు. భారీ ప్రాజెక్టులలో నటిస్తూ తన నటనకు ప్రశంసలు అందుకున్నారు. ఇటీవల ప్రభాస్తో కలిసి ఆదిపురుష్ సినిమాలో సీత పాత్రలో కనిపించారు. రామాయణం ఆధారంగా తెరకెక్కిన ఈ చిత్రం భారీ అంచనాల మధ్య విడుదలైనా, ప్రేక్షకులను మెప్పించలేక బాక్సాఫీస్ వద్ద నిరాశపరిచింది. అయినప్పటికీ కృతి సనన్ నటనకు మాత్రం మంచి స్పందన లభించింది. అయితే ఇప్పటికే సుకుమార్–రామ్ చరణ్ కాంబినేషన్ అంటేనే భారీ అంచనాలు ఉన్నాయి. వీరిద్దరి కాంబోలో వచ్చిన రంగస్థలం ఇండస్ట్రీ హిట్గా నిలిచింది. గ్రామీణ నేపథ్యంలో తెరకెక్కిన ఆ సినిమా చరణ్ కెరీర్లో మైలురాయిగా మారింది. ఇప్పుడు ఆర్సీ17 కూడా విభిన్నమైన కథతో, సుకుమార్ స్టైల్లో మాస్ మరియు ఎమోషనల్ ఎలిమెంట్స్ నేపథ్యంలో రూపొందనుందని సమాచారం.
కృతి సనన్ నిజంగానే ఈ ప్రాజెక్ట్లో భాగమైతే, టాలీవుడ్కు ఆమె రీ-ఎంట్రీ ప్రత్యేకంగా మారనుంది. సుకుమార్ దర్శకత్వంలో మొదలైన ఆమె టాలీవుడ్ ప్రయాణం మళ్లీ అదే దర్శకుడితో కొనసాగడం ఆసక్తికరంగా మారింది. ప్రస్తుతం ఈ వార్తపై చిత్రబృందం నుంచి ఎలాంటి అధికారిక ప్రకటన రాలేదు. అయితే ఫిలింనగర్ వర్గాల్లో జరుగుతున్న చర్చలు చూస్తుంటే త్వరలోనే క్లారిటీ వచ్చే అవకాశం ఉందని సినీ విశ్లేషకులు భావిస్తున్నారు. ఆర్సీ17పై ప్రతి చిన్న అప్డేట్ కూడా అభిమానుల్లో ఆసక్తిని రేకెత్తిస్తోంది.
RC 17 | ఆర్సీ17లో ఐరెన్ లెగ్ బ్యూటీ.. సుకుమార్–రామ్ చరణ్ కాంబోపై ఫిలింనగర్లో జోరుగా చర్చ
